١- لازم تكتب كل حاجة بتصرفها
جميل إنك متخليش نفسك في حاجة، بس الأجمل إنك تكتب اللي اشتريته عشان تعرف فلوسك راحت فين. ممكن تعمل ده في الموبايل أو في كراسة أو باستخدام application متخصص في كل ده
٢- حدد أهداف طويلة وقصيرة المدى للتحويش
مينفعش تكون عايز تحوش منغير ما تعرف عايز تحوش كام. حط أهداف صغيرة زي إنك تحوش كل شهر مبلغ معين عشان توصل لهدف كبير وهو إنك تشتري موبيل مثلًا
٣- قول لا للحاجات الخارجة عن الميزانية بتاعتك
يعني مش لازم تخرج كل مرة مع صحابك، ممكن تتفقوا على قعدة في بيت حد مثلًا، أو بدل ما بتطلب أكل من بره كل أسبوع، كل من البيت، حتى لو مامتك عاملة سمك.
٤- استخدم طريقة من طرق التحويش دي:
Envelope Budgeting
أو طريقة الأظرف و الطريقة دي معناها إنك بتحط فلوسك في أظرف، كل ظرف لمصروف معين زي البنزين أو البقالة، بعد ما تقبض مرتبك. دلوقتي، مع تحويل المرتب مباشرة للبنك ودفع معظم الفواتير اونلاين، فيه تطبيقات بتعمل نفس شغل المغلفات. وممكن تحط فلوسك في أظرف عادي، زي زمان، بدل ما تستخدم كارت، وده ممكن يساعدك تلتزم بالميزانية بتاعتك أكتر.
– Zero-Based Budget
في الطريقة دي، كل جنيه من دخلك بيتحط لمصروف معين، لحد ما يبقى معاك صفر. الطريقة دي بتطلب منك إنك تتوقع كل مصروفاتك الجاية عشان تقدر توزع دخلك عليها. يعني مثلًا لو دخلك ٣٠٠٠ جنيه تحط ١٠٠٠ جنيه للمواصلات و٥٠٠ للخروج مثلًا وهكذا.
اتأكد إنك تحط الادخار في خطتك كمان؛ لو مش ناوى تنفق كل دخلك، ممكن تحط الباقي في “مصروف ادخار”. الطريقة دي بتضمن إن عندك خطة لكل جنيه ومش هتشتري حاجة بررة الخطة.
– 50/20/30 budget
في الطريقة دي بتخصص ٥٠٪ من دخلك للاحتياجات، ٣٠٪ للرغبات، و ٢٠٪ للادخار. ممكن تحتاج تعمل حسابك وتقلل مصروفاتك عشان تظبطها، بس ده مش وحش. لو إيجارك مثلاً بياخد ٥٠٪ من دخلك، ولسه محتاج تشتري بقالة وبنزين وتدفع فواتير، ممكن تقلل مصروفات تانية عشان تظبطها أو تقلل من نسبة الرغبات أو الادخار، حسب أولوياتك ساعتها
وأخيرًا أحنا عارفين إن التحويش بيكون صعب في الأول بس المهم المثابرة
استخدموا المواقع دي تساعدكم:
https://www.nerdwallet.com/article/finance/budget-worksheet
https://www.ally.com/content/dam/pdf/content-hub/50-30-20_Budget-Template.pdf.coredownload.pdf
