طاقم عمل من الشباب 

قدرنا نلاحظ من خلال متابعتنا للمسلسل انه اغلب طاقم العمل من الشباب واللي قدروا يظهروا مواهبهم مش بس قدام الكاميرا ،لكن، وراء الكواليس كمان

أول بطولة لطه دسوقي

طه دسوقي شارك في أعمال متميزة زي موضوع عائلي الجزء الأول والتاني،لكن دي كانت أول بطولة له وقدر يقدم أداء مميز وصادق يوصل المشاعر نديم المصاب بطيف التوحد باحترافية تنسي المتفرج أنه بدأ كستاند أب كوميديان 

الوجوه الشابة الجديدة

الوجوه الشابة الجديدة اللي شالوا المسلسل ونقلوه لمستوى تاني من المتعة عشان يجسدوا شخصياتهم بطريقة خليتنا نحس إنهم ناس حقيقية من دائرتنا زي حسن أبو الروس وهاجر السراج 

السرد والموسيقى 

طريقة سرد الأحداث والربط بين ذكرياته وهو صغير وإزاي اثرت عليه لما كبر، وموسيقى فرقة المصريين اللي أعاد احيائها الموسيقار هاني شنودة وكلنا بقينا بنسمعها دلوقتي زي أغنية أوقات أشوف ملامحك 

تصدر مواقع التواصل 

المسلسل حصل على إعجاب كبير من الجمهور، وتصدر التريندات على موقع اكس ـ تويتر سابقاً ـ بعد يومين من عرض الحلقة العاشرة والاخيرة

تسليط الضوء بطريقة صح 

• واشاد به الاتحاد الرياضي المصري للإعاقات الذهنية،وقالوا إن المسلسل قدم ادق تفاصيل الحالة من لغة الجسد وطريقة الكلام وارسلوا شكر لكل صناع العمل 

رأي أحمد أمين عن المسلسل

والفنان أحمد أمين قال على صفحته أننا لازم نصدق في المواهب الجديدة ونشجعهم ونسيبلها المساحة والفرصة،وان مصر هتفضل ولادة ومليانة مواهب وأجيال جديدة تستأهل احلى تحية وسلام