معرض تراثنا
لو بتحبوا التراث والحرف اليدوية متضيعوش فرصة إنكم تحضروا معرض تراثنا، المعرض بيعرض منتجات الحرف اليدوية، كمان بيدعم المشروعات الصغيرة والحرف اليدوية
المعرض بدأ من يوم ١٢ ديسمبر لحد ٢١ ديسمبر من الساعة ١١ صباحاً لحد ١٠ مساءً ماعدا الجمعة من الساعة ٢ الظهر لحد ١٠ مساءً في مركز مصر للمعارض الدولية.
مسلسل موعد مع الماضي
المسلسل بيتكلم عن “يحيى” اللي بيفقد أخته في رحلة غوص، بيتم اتهامه إن هو اللي قتلها وبيتحكم عليه لمدة ١٥ سنة، بيرجع بعد ما بتنتهي مدة سجنه علشان ينتقم وبيكتشف مين هو القاتل الحقيقي.
كتاب العادات الذرية
الكتاب لجيمس كلير بيقدم منهج للناس لبناء عادات جديدة والتخلص من العادات السيئة، من خلال الاستفادة بالتغيرات البسيطة اللي بتحصل واللي ممكن مانلحظش تأثيرها على المدى القريب لكن على المدى البعيد بتحقق نجاحات كبيرة.
بودكاست بهدوء حلقة "حب النبي هيغير فيك ايه"
بودكاست صحة نفسية بيقدمه كريم إسماعيل وهو مدرب في علم النفس الإيجابي بيتكلم في الحلقة عن مواقف في حياة الرسول(ص) في التعامل مع الصحابة وزوجاته وازاي ده كان له انعكاسات نفسية على حياته.
تقدروا تسمعوه من هنا
برنامج سين ٢ - الروتين الصباحي
بيقدمه أحمد الشقيري بيحكي عن اللي ممكن تعمله في أول ساعة في يومك وهي عبارة عن خمس عادات بيعملها كل يوم الصبح بتغير يومه كله وبيكون يومه مليان نشاط وبركة.
تقدروا تسمعوها من هنا
