Ikigai Book by Francesc Miralles and Hector Garcia
هو كتاب بيتكلم عن المبدأ الياباني ال”إيكيجاي”، يعني سبب يستحق العيش عشانه أو الpurpose بتاعك. والكاتب بيتكلم عن أهل جزيرة أوكيناوا اليابانية، اللي بيعيشوا لسن كبير، عرفوا سر السعادة والطول في العمر. الكتاب ده هيشرحلك ازاي تلاقي الإيكيجاي بتاعك. هتعرف تبطل تتوتر وتستعجل، تعمل اللي بتحبه طول الوقت، تحافظ على صحابك، تعيش اللحظة، تشارك في مجتمعك، وتعمل اللي بيشغلك، تقدروا تلاقوه في معظم المكتبات و في سوق الأزبكية.
معرض سوق الفسطاط - مجمع الأديان
هو معرض للحرف اليدوية المصرية هدفه دعم أصحاب المشاريع الصغيرة والحرف اليدوية في مصر. هيكون متواجد ٤٠ عارض و٥ جمعيات خيرية لذوى الاحتياجات الخاصة وتحدي الإعاقة، والعرضين بيتنوعوا بين مفروشات وملابس وسجاد وديكور ومنتجات من أهل سيناء وسيوة. المعرض من يوم ٢٨-٣٠ نوفمبر والدخول مجاني.
تقدروا تعرفوا معلومات أكتر هنا: صفحة سوق الفسطاط
The Good Place - Series
هو مسلسل كوميدي فانتازي بيحكي عن قصة إيلينور شيلستروم، وهي امرأة ماتت ولقيت نفسها في مكان مثالي بعد الموت، مكان بيعتبرونه الجنة. بس المشكلة إن إيلينور مش تستاهل تكون في المكان ده، هي كانت بتعمل حاجات وحشة في حياتها.
المسلسل بيدور حول محاولات إيلينور إنها تتظاهر بأنها شخص كويس عشان تقدر تبقى في المكان الجيد، مع مساعدة من شاب فلسوف اسمه تشيدي. المسلسل بيعرض مواقف كوميدية وساخرة، وفي نفس الوقت بيعملنا تفكير عميق في معنى الأخلاق، والسعادة، والحياة بعد الموت.
5 Broken Cameras - Documentary
فيلم وثائقي بيعرض كفاح سكان قرية بلعين بالضفة الغربية من خلال عدسات خمس كاميرات مختلفة للمخرج، اتكسرت كلها أثناء التصوير.
الفيلم بيتكلم عن المقاومة السلمية لأهالي القرية ضد بناء الجدار الفاصل وتوسع المستوطنات الإسرائيلية. وبيكشف فيها عن الأثر الإنساني للصراع وصلابة أهالي القرية في نضالهم. المخرجين بيقدروا يلتقطوا التوتر والخوف والإحباط اللي بيحس بيه أهل بلعين، وكمان الأمل والإصرار على مستقبل أفضل.
تقدروا تتفرجوا عليه هنا: https://www.youtube.com/watch?v=EcTN3g-b0iA
مسجد السلطان حسن
يعتبر مسجد ومدرسة السلطان حسن من أضخم مساجد مصر عمارةً وأعلاها بنيانًا. بيتكون من فناء كبير مفتوح في النص، وفي وسط الفناء ده نافورة حواليها أربعة إيوانات، كل إيوان زي قاعة كبيرة بس مفتوحة من ناحية. وفي كل ركن من أركان الفناء، فيه باب بيوديك لمدرسة من المدارس الأربعة اللي اتبنت عشان يدرسوا فيها كل المذاهب الفقهية. أكتر حاجة مميزة في المسجد ده هي القباب المزخرفة بالخط الكوفي والأحجار.
الدخول للمصريين مجاني وتقدرا تلاقوا تفاصيل أكتر عن الزيارة هنا:
https://egymonuments.gov.eg/ar/monuments/mosque-and-madrasa-of-sultan-hasan
It’s Bisan from Gaza, I’m still alive - Youtube
هي سلسلة توثق فيها معاناة عيلتها وهي بتهرب من القصف، وبتورينا شكل البقاء تحت الحصار. رغم الصعوبات، بيسان مستمرة في إظهار قوتها عشان تخلي العالم كله يعرف اللي بيحصل.
وكل تقرير بتبدأه بنفس الجملة: “أنا بسمة من غزة، ولسه عايشة”. أسلوبها في سرد القصص وقوتها جذبوا انتباه العالم، واتنشر شغلها في كل مكان. كُرمت بجائزة إيمي وبجائزة Peabody سنة 2024 عن تغطيتها المميزة للصراع الداير في غزةتقديرًا لشجاعتها وإصرارها
تقدروا تتفرجوا على الحلقات من هنا: الحلقات
